راولپنڈی(این این آئی)شہر اور کینٹ کی تمام مرکزی انجمن تاجران  نے مشترکہ مشاورتی اجلاس کے بعد 29اور30 اکتوبر کو  بھر پور  شٹر ڈاون ہڑتال کا اعلان کر دیا ہے  تفصیلات کے مطابق  شہر اور کینٹ کی تمام مرکزی انجمن تاجران نے آل پاکستان مرکزی انجمن تاجران کی کال پر لبیک کہتے ہوئے مقامی ہوٹل میں مشترکہ اجلاس کے بعد   مشترکہ پریس کانفرنس میں ہڑتال کا اعلان کیا۔

پریس کانفرنس میں شاہد غفور پراچہ،ارشد اعوان،شرجیل میر،شیخ حفیظ، زاہد بختاوری،طارق جدون،ساجد بٹ،عبدالوحید پراچہ،رانا خرم،قادر میر،راجہ شمعون،طاہر تاج بھٹی،شیخ شبیر،طارق وحید بٹ  اور شہر بھر کی تاجر تنظیموں کے نمائندگان شریک تھے۔ انہوں نے پریس کانفرنس  سے خطاب کرتے ہوئے کہا کہ  یہ ہڑتال ملک بھر  ایف بی آر کی ظالمانہ  عوام دشمن پالیسیوں اور تاجر دشمن ٹیکسوں   کی خلاف کی جا رہی ہے۔دو روزہ ہڑتال میں تمام چھوٹی بڑی دکانین اور بازار مکمل طور پر بند رہیں گے۔انہوں نے کہا کہ  تاجر ملکی معیشت میں ریڑھ کی ہڈی کا کردار ادا کر رہے ہیں اور دنیا بھر میں حکومتیں تاجرون کے سہولیات فراہم کرتی ہیں لیکن موجودہ حکومت مین الٹی گنگا بہ رہی ہے۔ تاجروں کو دیوار سے لگایا جا رہا ہے جس کی وجہ سے ملکی معیشت  دن بدن کمزور ہوتی جا رہی ہے،جس کا خمازہ ملک اور عوام بھگت رہے ہیں۔  ایف بی آر  ملک  کی ریڑ ھ کی ہڈی کا کردار ادا کرنے والی تاجر برادری پر   وار کر کے اسے کمزور کرنے کے درپے ہے۔وزیر اعظم  سے مطالبہ ہے کہ  وہ ایف بی آر کو حکم دے کہ وہ تاجروں سے با مقصد مذاکرات کرے۔ شہر اور کینٹ کی تمام مرکزی انجمن تاجران  نے مشترکہ مشاورتی اجلاس کے بعد 29اور30 اکتوبر کو  بھر پور  شٹر ڈاون ہڑتال کا اعلان کر دیا ہے

موضوعات:دو دن مسلسل شٹر ڈاون ہڑتال