اسلام آباد(آن لائن) سینیٹ میں قائد ایوان اور پی ٹی آئی کے رہنما سینیٹر شبلی فراز نے کہا ہے کہ حکومت مو لا نا فضل الرحمن کو گرفتار کرنے کا کوئی ارادہ نہیں رکھتی ۔ مولانا گرفتار ہو کر ہیر و بننا چاہتے ہیں نجی ٹی وی سے گفتگو کرتے ہوئے انہوں نے کہا کہ جے یو آئی ف کے قائد مولانا فضل الرحمن کی یہ خواہش ہے کہ انہیں گرفتار کیا جائے لیکن حکومت انہیں گرفتار کرنے کا کوئی ارادہ نہیں رکھتی
کیونکہ وہ گرفتار ہو کر ہیرو بننا چاہتے ہیں انہوں نے کہا کہ مذاکرات کی منسوخی کے بعد ثابت ہو گیا کہ اپوزیشن ایک پیچ پر نہیں اور دھرنا ناکام ہوتا نظر آرہا ہے جبکہ مولانا فضل الرحمن کی سیاست ہمیشہ کیلئے ختم ہو جائے گی ۔ شبلی فراز کا کہنا تھا کہ حکومت ریاست کی رٹ کو چیلنج کرنیوالوں کے خلاف اور امن و امان کی صورتحال کو برقرار رکھنے کیلئے ہر ممکنہ اقدامات کرے گی ۔
