اسلام آباد (این این آئی)قومی اسمبلی اجلاس کیلئے عام آدمی گیلری پاس ناقابل انتقال ہوگا۔ترجمان قومی اسمبلی کے مطابق قومی شناختی کارڈ کو نادرا کے ریکارڈ کی تصدیق کے بعد پاس جاری ہوگا،عام آدمیوں کا اجلاس کیلئے داخلہ پارلیمنٹ کے گیٹ نمبر5 سے ہوگا ، ترجمان کے مطابق کسی بھی
قانون شکنی پر متعلقہ ذمہ دار افراد کے خلاف قانونی کارروائی عمل میں لائی جائے گئی ، ترجمان کے مطاقب موبائل فون، اسلحہ ، چھتری، کیمرے ، چھڑیاں، ہینڈ بیگ ، اٹیچی کیس اور کتب لے جانے کی اجازت نہیں ہو گی،گیلریوں میں تمباکونوشی ، تالیاں بجانا اور نعرے بازی کرنا ممنوع ہو گی، ،مہمانوں کا عمارت میں عام آدمی گیلری کے علاوہ کسی دیگر مقامات پر جانا منع ہے، مکمل کوائف کی عدم فراہمی کی صورت میں پاس کے اجراء کی درخواست قبول نہیں کی جائے گی۔دریں اثنا سپیکر قومی اسمبلی نے عام ادمی کے لیے اجلاس کی کاروائی دیکھنے کے لیے سہولت سینٹر کا افتتاح کردیا ۔ جمعہ کو گفتگو کرتے ہوئے انہوںنے کہاکہ عام آدمی کی پارلیمنٹ تک رسائی حاصل ہوگی۔انہوںنے کہاکہ کمپیوٹرائز شناختی کارڈ دکھا کر کوئی بھی شہری اجلاس کی کارروائی دیکھ سکے گا۔انہوںنے کہاکہ اس وقت ملک کو خطرات ہیں، آزادی مارچ، ذاتی بغض اور عناد کے علاوہ کچھ نہیں ہے،پوری قوم کشمیر پر متحد ہے ایسے میں دھرنوں اور مارچ کی ضرورت نہیں۔
