اسلام آباد (مانیٹرنگ ڈیسک) الیکشن ٹربیونل کا حق میں فیصلہ آنے کے بعد وفاقی وزیرفیصل واوڈا نے ردعمل دیتے ہوئے کہا ہے کہ اللہ پاک کا شکر ہے کہ شہباز شریف کی درخواست کو الیکشن ٹربیونل نے مسترد کرتے ہوئے فیصلہ میرے حق میں سنایا ہے ۔

میں نے عدلیہ کے فیصلوں کو من عن ہمیشہ قبول کیا اور آگے بھی کرتا رہوں گا ۔ مولانا فضل الرحمان کے آزادی مارچ پر وفاقی وزیر نے کہا ہے ہے کہ “حکومت مولانا کی آمد کا بڑی بے صبری سے انتظار کر رہی ہےانکو ایسا بٹھائیں گےکھڑے نہیں ہونے دینگے، مولانا کہتے ہیں کہ ہمیں کھانا اور کنٹینر دیں ، ہم کھانے سے پہلے انکے لئے واش روم کا انتظام کریں گے مولانا کے لئے واش روم اور اڈیالہ جیل وزن کم کرنےکی مشینیں انتظام کیاجانا ضروری ہے-قبل ازیں کراچی الیکشن ٹریبونل نے این اے 249 سے شہباز شریف کی درخواست مسترد کر دی، شہباز شریف نے فیصل واوڈا کی کامیابی کو چیلنج کیا تھا۔شہباز شریف نے درخواست میں موقف اپنایا تھا کہ فیصل واوڈا دھاندلی سے جیتے لہذا ان کی کامیابی کو کالعدم قرار دیا جائے۔ عام انتخابات میں حلقے سے پی ٹی آئی کےفیصل واوڈا کامیاب ہوئے تھے۔ خیال رہے کہ این اے 249 میں شہباز شریف کو پی ٹی آئی کے فیصل واوڈا کے ہاتھوں شکست ہوئی تھی۔ الیکشن کمیشن کی جانب سے موصول ہونے والے نتیجے کے مطابق پی ٹی آئی کے فیصل واوڈا نے 35344 ووٹ حاصل کیے جبکہ سابق وزیراعلیٰ پنجاب 34626 ووٹ ہی لے سکے۔