اسلام آباد (مانیٹرنگ ڈیسک)مسلم لیگ ن کی نائب صدر مریم نواز اس وقت مصلحتاً چپ ہیں۔سینئر صحافی مبشر لقمان کا دعویٰ ، نجی ٹی وی پروگرام میں گفتگو کرتے ہوئے انہوں نے کہا کہ مریم نواز اس لیے چپ ہیں کیونکہ ان کے سر پر اس وقت ضمانت سوار ہے۔ وہ بس یہی چاہتی ہیں کہ چپ کر کے ضمانت کروائیں اور کسی طرح جیل سے باہر چلی جائیں۔لیکن یہ سب اتنی جلدی نہیں ہو سکتا۔ میں ضمانت کے بارے میں تو کچھ نہیں کہہ سکتا لیکن اِن
کا باہر آنا جانا اتنی جلدی نہیں ہو سکتا۔ انہوں نے مریم نواز کو مخاطب کرتے ہوئے کہا کہ آپ عمران خان کو نہیں جانتیں میں عمران خان کو ذاتی طور پر جانتا ہوں، عمران خان نہ تو کسی کے رعب میں آتا ہے اور نہ ہی کسی سے ڈرتا ہے۔نہ ہی عمران خان کسی قسم کی کوئی ڈیل کرے گا۔اگر آپ نے ڈیل کرنی ہے تو آپ عدالت کو اور ریاست کو دستخط کر کے دیں، پھر ہی حکومت آپ کو باہر جانے کی اجازت دے گی۔ اب اندر کھاتے کوئی کام نہیں ہو گا۔
