لاہور/اسلام آباد (این این آئی)لاہورکی ضلعی انتظامیہ نے پاکستان اور سری لنکا کی ٹی ٹونٹی سیریز کے حوالیسے قذافی اسٹیڈیم کے اِردگرد دکانیں، ہال اور ریسٹورنٹس بند رکھنے کا نوٹس جاری کر دیا، اعلامییکے مطابق قذافی اسٹیڈیم عوامی سرگرمیوں کے لئے 2 سے 10 اکتوبر تک بند رہے گا۔پاکستان اور سری لنکا کی کرکٹ ٹیموں کے درمیان قذافی اسٹیڈیم میں تین ٹی ٹونٹی میچز5، 7 اور 9 اکتوبر کو کھیلے جائیں گے۔لاہورکی ضلعی انتظامیہ نے سیکیورٹی کے باعث2 سے 10 اکتوبر

تک اسٹیڈیم کے اِرد گرد دکانیں، ہال اور ریسٹورنٹس بند رکھنے کا نوٹس جاری کر دیا۔اعلامیے کے مطابق نشتر پارک اسپورٹس کمپلیکس میں سرچنگ کا عمل 2 اکتوبر سے شروع ہو گا،دکانو ں، ہالز اور ریسٹورنٹس کو گیس سلنڈرز نکالنے کا بھی حکم دیا گیاہے۔نشتر پارک اسپورٹس کمپلیکس میں گیس کی سپلائی بھی بند رہے گی،جبکہ مختلف سیکیورٹی ایجنسیاں سرچنگ کے عمل میں حصہ لیں گی، ٹی ٹونٹی سیریز کے حوالیسے ضلعی افسران کی ڈیوٹیوں کا پلان بھی جاری کر دیا گیا ہے۔