لاہور(این این آئی) مسلم لیگ (ن) پنجاب کی سیکرٹری اطلاعات عظمیٰ بخاری نے کہا ہے کہ مریم نواز کو جیل میں بی کلاس دینے کا دعوی جھوٹ ہے انہیں سی کلاس جیل میں رکھا گیاہے،مریم نواز کو گھر سے منگوائی گئی میٹرس کی اجازت نہیں ملی جسے واپس بھجوادیاگیا۔ اپنے بیان میں انہوں نے کہا کہ پنجاب حکومت کی جانب سے بھجوایاجانے والا نوٹیفکیشن
تاحال جیل انتظامیہ کو موصول نہیں ہوا،مریم نواز کو جس کمرے میں رکھا گیا ہے وہیں باتھ روم بھی موجودہے۔مریم نواز کو رکھے جانے والے کمرے میں باتھ روم کے سامنے پردہ لگا کر الگ کر دیاگیاہے۔انہیں کمرے میں پنکھے کی سہولت تک نہیں دی گئی۔ عظمی بخاری نے کہاکہ مریم نواز کو ایک چادر اور تکیہ دیا گیاہے، انہیں ادویات بھی نہیں دی جار ہیں۔
