اسلام آباد(آن لائن) سپریم کورٹ نے اسلام آباد ہائی کورٹ کے سابق جسٹس شوکت عزیزصدیقی کی برطرفی کیخلاف اپیل کھلی عدالت میں سماعت کے لیے مقرر کرنے کا حکم دے دیا ہے۔جسٹس عمر عطا بندیال نے سپریم جوڈیشل کونسل کے فیصلے کیخلاف کراچی بار،

اسلام آباد ہائی کورٹ باراور لاہور ہائیکورٹ بار راولپنڈی بینچ کی درخواستوں پر اعتراضات کیخلاف اپیلوں کی چیمبر میں سماعت کی، درخواست گزاروں کی جانب سے سینئر وکیل رشید اے رضوی اور محمد قاسم میر پیش ہوئے۔عدالت نے تینوں درخواستوں پر رجسٹرار کے اعتراضات ختم کر دیے۔