پشاور(آن لائن) پیسکو میں 3ہزار 200آسامیوں کے لئے ساڑھے سات لاکھ درخواستیں موصول ہو گئی ہے ۔پیسکو میں مختلف عہدوں کی بھرتیوں کے لئے ساڑھے سات لاکھ سے زائد درخواستیں موصول ہونے کے بعد اس کی چھان بین شروع کر دی گئی ہیں۔ سنٹرل قائمہ کمیٹی برائے توانائی کی رپورٹ کے مطابق پیسکو میں گزشتہ سال بجلی چوری میں گریڈ 17اور 18کے آٹھ افسران کو نوکریوں سے نکالا گیا۔ ڈی آئی خان میں دو ترسیلی لائنوں کو تنصیب سے آئندہ موسم گرما میں خیبر پختونخوامیں ریلیف ملے گا ۔گرڈ سٹیشنوں کی اپ گریڈیشن اور ترسیلی لائنوں کی بہتری سے سسٹم میں
بہتری آ جائیگی ۔رپورٹ کے مطابق پیسکو میں مالی سال 2018-19میں ایچ ٹی فیڈر کے 17کام مکمل کئے گئے ہیں ان کاموں پر 25کروڑ 67لاکھ روپے کا خرچہ ہو ا ہے۔ گزشہ مالی سال میں سترہ نئے فیڈرز مکمل کئے گئے ہیں اور رواں مالی سال میں ستر فیڈرز پرکام مکمل کیا جائے گا ۔