کوئٹہ(آن لائن) پشتونخواملی عوامی پارٹی کے صوبائی صدر و سینیٹر عثمان کاکڑ نے کہا ہے کہ جب تک پارلیمنٹ کو مضبوط نہیں کیا جاتا اس وقت تک ملک ترقی نہیں کر سکتے وقت اور حالات کا تقاضا ہے کہ جمہوری نظام کی مضبوطی کے لئے تمام سیاسی جماعتوں کو اپنا کردار ادا کرنا ہوگا جب تک داخلہ اور خارجہ پالیسی ٹھیک نہیں ہوگی ملکی معاملات بہتر نہیں ہوسکتے
ان خیالات کا اظہار انہوں نے ایک نجی ٹی وی چینل سے بات چیت کرتے ہوئے کیا انہوں نے کہا کہ اس وقت ملک میں ایسے حکمرانوں کو مسلط کیا جو کبھی بھی ملک کو ترقی کی راہ پر گامزن نہیں کرسکتے ملک کو بحرانوں سے نکالنے کا واحد حل یہاں سیاسی جماعتوں کو چھوڑنا ہوگا کہ وہ ملکی معاملات کو بہتر انداز میں حل کر سکیں ہم سمجھتے ہیں کہ اس وقت جو ملک کے حالات یہ ان قوتوں کے پیدا کردہ ہیں جنہوں نے ہمیشہ اپنی بالادستی کے لئے ایسے حکمرانوں کو مسلط کیا کہ وہ کبھی بھی جمہوری نظام کو پسند نہیں کرتے پشتونخواملی عوامی پارٹی ایک سیاسی جماعت ہے اور ہمیشہ جمہوری نظام کی بالادستی کے لئے قربانیاں دی ہیں ماضی کی طرح آج بھی آمرانہ قوتوں کے خلاف صفحہ اول کا کردار ادا کررہے ہیں انہوں نے کہا کہ اگر حقیقی معنوں میں ملک کو بہترین انداز میں چلانے کے لئے تمام سیاسی قوتوں کو اپنا کردار ادا کرنا ہوگا اور جمہوریت کی بالادستی کے لئے قربانیاں دینا ہوگی جب تک ملک میں جمہوری نظام نہیں ہو اس وقت تک ہم ترقی نہیں کرسکتے موجودہ حکمران اسٹیبلشمنٹ کے پیدا کردہ ہیں آج ملک میں جو صورتحال ماضی میں ایسی صورتحال نہیں دیکھی جمہوریت کے نام پر ایسے حکمرانوں کو عوام پر مسلط کیا جن کا کوئی تصور نہیں کرسکتا آج ملک میں مہنگائی کا مسئلہ ہے اور ساتھ ساتھ داخلہ اور خارجہ پالیسی نہ ہونے کی وجہ سے ہمسایہ ممالک سمیت کسی بھی ملک کے ساتھ ہمارے تعلقات ٹھیک نہیں ان تعلقات کو بہتر کرنے کے لئے داخلہ اور خارجی پالیسی کا ازسر نو جائزہ لینا ہوگا انہوں نے کہا کہ پشتونخواملی عوامی پارٹی اپوزیشن جماعتوں کے ساتھ ملکر حالات کی بہتری کے لئے جدوجہد کررہی ہے ۔
