لاہور(این این آئی) مسلم لیگ(ن)کے صدر و قومی اسمبلی میں قائد حزب اختلاف شہباز شریف نے کہا ہے کہ شہدا قوم کا عظیم سرمایہ ہیں، ہم ان کی قربانیوں کو ضائع نہیں ہونے دیں گے ،مادر وطن کے دفاع تحفظ اور سلامتی کے لئے اپنی جانوں کے نذرانے دینے والے ہمارے اصل ہیرو ہیں۔شہبازشریف شہید لانس نائیک تیمور اسلم کے گھر

گئے اورشہید کے بلند درجات کے لیے دعا کی ۔ شہبازشریف کاکہناتھا کہ مسلح افواج اور قوم وطن عزیز کی آزادی و خودمختاری اور سلامتی کے لئے متحد اور یک جان ہیں ۔شہدا کے اہل خانہ کی پوری قوم قرض دار ہے ، ہم ان کے عظیم حوصلے کو خراج تحسین پیش کرتے ہیں۔اللہ تعالی شہدا کے درجات کو بلند فرمائے اور اہل خانہ کو صبر جمیل دے۔

موضوعات:شہباز شریف لانس نائیک تیمور اسلم