لاہور3 ستمبر: وزیراعلیٰ پنجاب سردار عثمان بزدار نے وزیراعلیٰ خیبر پختونخوا محمود خان کی والدہ کے انتقال پر گہرے دکھ اور افسوس کا اظہار کیا ہے۔ وزیراعلیٰ عثمان بزدار نے والدہ کے انتقال پر محمود خان اور غمزدہ خاندان سے دلی ہمدردی اور تعزیت کا اظہار کیا ہے۔ وزیراعلیٰ نے اپنے تعزیتی پیغام میں محمود خان سے دکھ اور افسوس کا اظہار کرتے ہوئے کہا کہ آپ کی والدہ کے انتقال پر دلی صدمہ ہوا ہے اور دعا ہے کہ اللہ تعالیٰ آپ کی والدہ مرحومہ کی روح کو جوار رحمت میں جگہ دے اور آپ کو اور اہل خانہ کو صبر جمیل عطا فرمائے۔