کراچی(سی پی پی) پاک سر زمین پارٹی کے سربراہ مصطفی کمال نے کہا وزیراعظم اورآرمی چیف کراچی آئیں اور صورتحال ٹھیک کریں، شہری حکومت میں کردار والے لوگ نہیں ہیں۔تفصیلات کے مطابق پاک سر زمین پارٹی کے سربراہ مصطفی کمال نے نجی ٹی وی سے گفتگو کرتے ہوئے کہا وزیراعظم اورآرمی چیف کراچی آئیں صورتحال ٹھیک کریں۔
مصطفی کمال نے کہا ہے کہ کراچی کے سیاست دان لڑائی نہیں کررہے، میں تو یہ بتارہا ہوں کہ شہر کیسے چلتا تھا، کراچی والوں کو خود دیکھنا ہے کہ کون کام نہیں کررہا۔پی ایس پی سربراہ نے کہا شہری حکومت میں کردار والے لوگ نہیں ہیں، ان کے پاس لندن والے اختیار ہوں تو بھی یہی حال ہوگا، ہمارے دور میں لوگوں کے مسائل حل ہو رہے تھے۔
