اسلام آباد (نیوزڈیسک)کیاآدھا گھنٹہ کھڑا رہنے سے کشمیر آزاد ہو جائے گا؟یہ جوکرنے والے کام ہیں یہ کیوں نہیں کرتے؟جنرل (ر)حمید گل کے صاحبزادہ عبداللہ گل نے وزیراعظم کو تجاویز دیدیں، تفصیلات کے مطابق مقبوضہ کشمیر میں بھارتی مظالم کے خلاف وزیراعظم پاکستان عمران خان نے اپنے خطاب میں جن اقدامات کا اعلان کیا ہے ان میں سے ایک اقدام آدھے گھنٹے

کھڑے رہنے کا بھی ہے اس پر تبصرہ کرتے ہوئے جنرل (ر) حمید گل (مرحوم)کے صاحبزادے عبد اللہ گل نے کہا کہ کیا سب کے آدھا گھنٹہ کھڑا رہنے سے کشمیر آزاد ہو جائے گا؟ انہوں نے طنزکرتے ہوئے کہا کہ کشمیریو! سن لو کہ ہم ساتھ کھڑے ہیں، بیٹھے نہیں ہیں،عبداللہ حمید گل نے کہا کہ اپنی مظلوم کشمیری قوم کے لیے لڑنا نہیں بس کھڑے رہنا اور وہ بھی صرف آدھا گھنٹہ۔ انہوں نے کہا کہ جو کرنے والے کام ہیں وہ کیوں نہیں کرتے؟ انہوں نے تجاویز دیں کہ بھارت کی سرحد پراور کنٹرول لائن پرمزید فوج لگائی جائے،بھارت کیلئے پاکستان کی فضائی حدود بند کی جائیں،بھارت کا سفارتخانہ بند کیاجائے، بھارت کے ساتھ ہر قسم کی تجارت اور راہداری کے منصوبے بند کئے جائیں یہ سب کشمیر کی آزادی کے لیے مفید ہیں انہوں نے کہا کہ وزیر اعظم عمران خان کی طرف سے جو وقت احتجاج کے لیے مختص کیا گیا ہے وہ توجمعہ کی نماز کیلئے تیاری کا وقت ہے، اس وقت لوگ نماز جمعہ کی وجہ سے باہر کم نکلیں گے اور اس طرح یہ تاثر جائے گا کہ لوگ کشمیریوں کے حق میں احتجاج کے لیے نہیں نکلے اس لئے فوری طورپر وقت تبدیل کیاجائے۔