جمعہ‬‮ ، 04 اپریل‬‮ 2025 

دو سرکاری سپتالوں نے نواز شریف کو جیل میں ایمبولینس فراہم کرنے سے انکار کردیا

datetime 23  اگست‬‮  2019
ہمارا واٹس ایپ چینل جوائن کریں

لاہور( آن لائن ) دو سرکاری اسپتالوں نے سابق وزیراعظم نواز شریف کو جیل میں ایمبولینس فراہم کرنے سے انکار کردیا ہے۔سروسز اسپتال اور پنجاب انسٹیٹیوٹ آف کارڈیالوجی (پی آئی سی) نے میاں محمد نواز شریف کو خصوصی ایمبولینس دینے سے صاف انکار کرتے ہوئے محکمہ صحت کو ریسکیو 1122 سے رابطہ کرنے کا مشورہ بھی دے دیا ہے۔ذرائع کا کہنا ہے کہ حکومت کی

جانب سے نوازشریف کو دی جانے والی ایمبولینس میں سہولیات کا فقدان ہے جس کی وجہ سے محکمہ جیل خانہ جات نے محکمہ صحت پنجاب سے دوسری ایمبولینس کی درخواست کی تھی۔محکمہ صحت نے نواز شریف کو کسی بھی ہنگامی صورتحال میں فوری طبی امداد فراہم کرنے کے لیے دونوں اسپتالوں کو ایک خاص ایمبولینس فراہم کرنے کی ہدایت کی تھی جس میں وینٹی لیٹر، ڈی فیبیلیٹر، ای سی جی، اور کارڈیک مانیٹر کی موجودگی لازمی ہے۔ذرائع کا کہنا ہے کہ ان ہدایات کے جواب میں پی آئی سی نے موقف اختیار کیا ہے کہ ان کے پاس کوئی کارڈیک ایمبولینس نہیں، اسپتال صرف ڈاکٹر دے سکتے ہیں ساتھ ہی پی آئی سی نے سروسز اسپتال سے خصوصی ایمبولینس لینے کا مشورہ بھی محکمہ کو دیا تھا۔سروسز اسپتال کے ایم ایس نے محکمہ صحت کو جواب جمع کرایا ہے کہ اسپتال کو جاپانی حکومت سے ملنے والی ایمبولینس وی وی آئی پی، وی آئی پی، وزیر اعظم، صدر اور وزیر اعلی کے پروٹوکول میں استعمال ہوتی ہے جبکہ دوسری ایمبولینس اسپتال کے مریضوں کو شفٹ کرنے کے لیے مختص ہے۔اسپتال کے ایم ایس نے یہ مشورہ بھی دیا ہے کہ ڈائریکٹر جنرل (ڈی جی) ریسکیو نواز شریف کے لیے جیل میں ایمبولنس فراہم کریں۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…