اسلام آباد (مانیٹرنگ ڈیسک)نجی ٹی وی پروگرام میں گفتگو کرتے ہوئے معروف صحافی شاہد مسعود کا کہنا ہے کہ عمران خان اگلے ماہ نیویارک جائیں گے لیکن ان کے نیو یارک جانے سے پہلے اس خطے میں اور بہت سے واقعات ہوں گے۔پاکستان کے اندر باہر اور دائیں بائیں بھی بے شمار واقعات ہوں گے۔عوام نے کوشش کرنی ہے کہ وہ غلط لائن میں نہ آجائیں۔کیونکہ پوری کوشش کی جائے گی کہ پیسے دے کر فلاں فلاں تحریک کو چلایا جائے ۔لیکن چاہے پاکستان
میں جتنے بھی سیاسی مسائل یا اختلافات ہوں۔اتنے سالوں سے کشمیر کے معاملے پر سب ایک پیج پر ہیں۔اب چونکہ عمران خان اگلے ماہ امریکا جا رہے ہیں تو اس سے ایک دن پہلے یا بعد میں مودی بھی جا رہے ہیں۔جب کہ نیویارک میں کشمیری جمع ہو رہے ہیں اور وہ مودی کو وہاں گھیریں گے۔ شاہد مسعود نے مزید کہا کہ مودی نے عمران خان کو دیکھتے ہوئے نیویارک جانے کا اعلان کیا ہے۔یاد رہے کہ اقوام متحدہ کاسالانہ اجلاس اگلے ماہ ستمبر میں نیویارک میں ہوگا۔
