لاہور(آن لائن) مسلم لیگ ن کے مرکزی رہنماء خواجہ آصف نے کہا ہے کہ ملیحہ لودھی کو کمزورکرنا مفادات کو نقصان پہنچانے کے مترادف ہے، اقوام متحدہ میں ہم نے کشمیرکا مقدمہ لڑنا ہے، جبکہ ملیحہ لودھی سے متعلق جھوٹ پر مبنی مہم چل رہی، غیر متعلقہ تصاویر شائع کی جا رہی ہیں۔مسلم لیگ ن کے مرکزی رہنماء خواجہ آصف نے ٹویٹر پر اپنے پیغام میں کہا کہ سلامتی کونسل کے اجلاس کے موقع پر ہماری مستقل مندوب ملیحہ لودھی سے متعلق جھوٹ پر مبنی مہم چل رہی ہیاور

ان سے غیر متعلقہ تصاویر شائع کی جا رہی ہیں۔ ہم نیاقوام متحدہ میں کشمیرکا مقدمہ لڑنا ہے۔اپنے مستقل مندوب کو کمزور کرنا اسوقت ہمارے مفادات کو نقصان کے مترادف ہے۔دوسری جانب وزیرخارجہ شاہ محمود قریشی نے لاہور میں یوم سیاہ کے اجتماع سے خطاب کرتے ہوئے کہا کہ دنیا دیکھ رہی ہے کہ 11واں دن ہے اورکشمیر میں کرفیو نافذ ہے، کھانا دستیاب نہیں، ادویات میسر نہیں، تمام قیادت پابند سلاسل ہے۔ کشمیراور ریاست کومٹانے کیلئے مودی نے جوچال ہے اس کو کشمیری قوم نے مسترد کردیا ہے۔شاہ محمود قریشی نے کہا کہ ساری قوم کو کشمیریوں کو یکجا ہونا چاہیے۔ پاکستانی کی تمام سیاسی قیادت کو کشمیر کاز کیلئے متحد ہوجانا چاہیے، یہ سیاست کا وقت نہیں ہے۔ کشمیر وادی، لداخ مصر بن چکا ہے، سب کی نگاہیں پاکستان اور دنیا کی طرف لگی ہوئی ہے۔ شاہ محمود قریشی نے کہا کہ آج کشمیریوں کا مقدمہ عالمی سطح پر پہنچ چکا ہے، اس سے پہلے خون خرابا ہو، سلامتی کونسل کو اپنا کردارادا کرنا ہوگا۔پاکستان کی توجہ افغانستان اور امن کی طرف تھی، پانچ اگست کو جب زملے خلیل آئے توان سے کہا تھا کہ کشمیر سے متعلق بہت بڑی سازش ہورہی ہے۔ پاکستان سمیت لندن میں بھی یوم سیاہ منایا جارہا ہے۔ہم کشمیریوں کی آخری حد تک ساتھ دیں گے۔اللہ تعالیٰ نے عمران خان اور حکومت کو موقع دیا ہے کہ وہ کشمیریوں کا دنیا میں مقدمہ لڑے۔