لاہور(این این آئی)پاکستان مسلم لیگ (ن) کے مرکزی رہنما کیپٹن (ر) محمد صفدر نے کہا ہے کہ بھارت چاہتا تھا کہ پاکستان سے کوئی مقبول لیڈر مظفر آباد نہ جائے اور مریم نواز کی گرفتار ی سے اس کی خواہش پوری ہو گئی۔ احتساب عدالت میں پیشی کے موقع پر میڈیا سے گفتگو کرتے ہوئے کیپٹن (ر) محمد صفدر نے کہا کہ مظفر آباد میں بھارت کے خلاف بھرپور نفرت کا اظہار کیا جائے گا اور بھارت کو باور کرایا جائے گاکہ نوازشریف اگر جیل میں ہے تو فکر کی کوئی بات نہیں۔نواز شریف وہی نوازشریف ہے جس نے بطور
قائد حزب اختلاف نیلا بٹ میں پاکستان کو ایٹمی طاقت کے طور پر دکھا یا۔نواز شریف نے اعلان کیا تھاکہ بھارت اوور سمارٹ بننے کی کوشش نہ کرے میں بطور قائد حزب اختلاف بتانا چاہتا ہوں کہ ہم ایٹمی طاقت ہیں۔ انہوں نے کہا کہ مریم نواز کی گرفتاری اس لئے ہوئی ہے کہ وہ کہیں کشمیریوں کا کیس نہ لڑ نے چلی جائے اور بھارت بھی یہی چاہتا تھاکہ کوئی مقبول لیڈر شپ مظفر آباد نہ آئے اور بھارت کی خواہش پوری ہو گئی ہے۔ مریم نواز ایک ریلی لے کر پاکستان سے آزا د کشمیر جارہی تھیں او رانہیں روکد یا گیا ہے۔
