اسلام آباد(این این آئی)پاکستان تحریک انصاف کی خواتین پارلیمنٹرینز نے بلاول بھٹو زر داری کو چابی والا کھلونا قرار دیتے ہوئے کہاہے کہ اتنی غیرت ہے تو لاڑکانہ میں ایڈز ختم اور سندھ کے مسائل حل کریں ۔ پارلیمنٹ کے باہر اراکین کے ہمراہ میڈیا سے بات چیت کرتے ہوئے عالیہ حمزہ نے کہاکہ اسمبلی میں گزشتہ روز چابی والا کھلونا پھدکتا آیا، کہا گیا کہ اتنی غیرت ہے مردوں سے مقابلہ کریں۔عالیہ حمزہ نے کہاکہ ہم کہتے ہیں کہ اتنی غیرت ہے تو پی ٹی آئی کی خواتین سے مقابلہ کریں۔

انہوںنے کہاکہ اتنی غیرت ہے تو لاڑکانہ میں ایڈز ختم کریں ، اتنی غیرت ہے تو سندھ کے مسائل حل کریں ۔انہوںنے کہاکہ اتنی غیرت ہے تو کراچی کا کچرہ اٹھانے کے لیئے وفاق کو کہا۔انہوںنے کہاکہ چابی والے کھلونے کو کبھی شیریں رحمان کبھی پھوپھو تو کبھی ڈیڈی چابی بھریں ۔انہوںنے کہاکہ بلاول اپکو ہمیں اور پاکستان کی عورتوں کو جواب دینا ہے ۔انہوںنے کہاکہ مریم بی بی سے پوچھنا کہ اتنے پیسے کہاں سے آئے ۔انہوںنے کہاکہ کونسا ایسا کاروبار ہے جو کروڑوں روپے اپکو ملتے ہیں ۔