اسلام آباد (این این آئی) سینٹ میں قائد ایوان سینیٹر شبلی فراز نے کہا ہے کہ چیئرمین سینٹ کے خلاف عدم اعتماد پر ہم پر امید اورپر اعتماد ہیں، الیکشن ضرور جیتیں گے، اپوزیشن کے بھی چند اراکین جو سمجھدار اور باوقار ہیں وہ ہمیں ووٹ دیں گے۔ میڈیا سے بات چیت کرتے ہوئے شبلی فراز نے کہاکہ اپوزیشن جماعتوں کا ایک دن میں دو دو دفعہ اجلاس کرنا سمجھ سے باہر ہے۔ انہوں نے کہاکہ ہم پرامید اور پر اعتماد ہے، ہم الیکشن جیتے گے۔انہوں نے

کہاکہ اپوزیشن کے بھی چند اراکین جو سمجھدار اور باوقار ہیں وہ ہمیں ووٹ دیں گے۔انہوں نے کہاکہ اس ہاؤس کا ماحول جو پیدا ہوا ہے امید ہے کہ وہ عارضی ہوگا۔انہوں نے کہاکہ روز روز کے اکھٹے ہونے سے ایسا لگتا ہے کہ ان کے اراکین انکو ووٹ نہیں دیں گے۔انہوں نے کہاکہ سیاسی جماعتوں کے قائدین سے ملاقات کی وجہ یہی ہے کہ یہ طریقہ کار درست نہیں کل کو کوئی اور اٹھ کر عدم اعتماد کردیگا۔انہوں نے کہاکہ ہم سب سیاسی لوگ ہے ہمیں مل بیٹھ کر اداروں کے بارے میں سوچنا چاہیے۔