پشاور (آن لائن)قبائلی اضلاع کے انتخابات میں کامیاب ہونے والے تین اراکین نے تحریک انصاف میں شمولیت کی حامی بھرلی ہیں جبکہ قبائلی اضلاع کے انتخابات میں کامیاب ہونے والے 9اراکین صوبائی اسمبلی نے اپنے اثاثوں کے گوشوارے جمع کر دیئے ہیں جبکہ قبائلی اضلاع سے تعلق رکھنے والے نو منتخب اراکین اسمبلی پانچ اگست کو حلف لینگے نو منتخب اراکین اسمبلی کے کامیابی کا اعلامیہ آئندہ چند روز میں جاری کردیا جائے گاحالیہ انتخابات میں سولہ اراکین اسمبلی
کامیاب ہو ئے ہیں جن میں بعض کا تعلق مختلف سیاسی جماعتوں جبکہ بعض آزاد حیثیت سے کامیاب ہو ئے ہیں ذرائع نے بتایا ہے کہ کامیاب ہونے والے 9اراکین اسمبلی نے اپنے اثاثوں کی تفصیلات الیکشن کمیشن میں جمع کردی ہیں جس میں انہوں نے اپنے اثاثوں کی تفصیلات وغیرہ شامل کی ہیں قبائلی اضلاع کے 16نو منتخب اراکین اسمبلی کے حلف برادری کی تقریب صوبائی اسمبلی میں منعقد ہو گی اور سپیکر صوبائی اسمبلی ان سے حلف لینگے۔
