لاہور( این این آئی )میٹرک کے امتحانات سے فارغ ہونے والے طلبا ء وطالبات یونیورسٹی آف کیمبرج کی طرز پر25 سے31 جولائی تک اولیول امتحان دے سکیں گے۔پنجاب حکومت طلبا و طالبات کی تعلیمی استعداد کو پر کھنے کے لیے او لیول طرز کا امتحان لے گی جس میں میٹرک سال 2019 میں امتحان دینے والے طلبا ء و طالبات شرکت کرسکیں گے۔یہ امتحان اردو، انگلش، ریاضی ، فزکس ، کیمسٹری اور بیالوجی
پر مشتمل 100 نمبر کا تھیوری کا ہوگا۔بورڈ آف انٹرمیڈیٹ کے حکام کے مطابق پرچے دسویں جماعت کے سلیبس کے مطابق لیے جائیں گے۔ڈیٹ شیٹ ان 2 ہزار طلبا و طالبات کو ارسال ہوگی جو پہلے رجسٹریشن کرائیں گے، امتحانات کے لیے طلبا ء17 جولائی تک اپنا فارم لاہور بورڈ کی ویب سائٹ سے حاصل کر کے جمع کرا سکتے ہیں۔حکام کا کہنا ہے کہ امتحان میں شرکت کرنے والے طلباء و طالبات کو اسناد دی جائیں گی۔
