لاہور(نیوز ڈیسک) مسلم لیگ(ن) کی نائب صدر مریم نوازکا کہنا تھا کہ میاں صاحب سے ملاقات کے بعد معلوم ہوا کہ ان کی چند دن سے طبیعت خراب ہے اور انہیں تین بار انجائنہ کا دورہ بھی پڑا ہے،اپنے اس ٹویٹ میں مریم نواز نے وزیراعظم عمران خان کو ظالم اعظم اور چھوٹا اور کم ظرف بھی کہا، مریم نواز کے ٹویٹ کے ردعمل میں ترجمان وزیراعلیٰ پنجاب شہباز گل نے کہا کہ مریم نواز صاحبہ اور ان کے والد میرے لیے قابل احترام ہیں۔
انہوں نے مریم نواز کو کہا کہ آپ کو ہمیشہ بغیردرخواست کے ملنے کی اجازت دی گئی ہے، محترمہ مریم نواز جھوٹ اور بدزبانی سے پرہیز کریں۔ وزیراعظم سے متعلق اس طرح کی زبان استعمال نہ کریں اور جھوٹ بھی مت بولیں۔ شہباز گل نے کہا کہ مریم نوازنے پھرجھوٹ بولا اوروزیراعظم عمران خان کے بارے میں بدزبانی کی۔ انہوں نے کہا کہ میاں صاحب کا جیل میں دو بار چیک اپ ہوتا ہے، انہوں نے مریم نواز کو مخاطب کرتے ہوئے کہا کہ اگرآپ نے بدزبانی کی روش نہ بدلی تو ہم عوام کے سامنے اصل صورتحال لائیں گے کہ میاں صاحب جیل میں کیسے دن گزار رہے ہیں اور کن سہولیات کے مزے لے رہے ہیں، شہباز گل نے کہا کہ میاں نواز شریف نے جیل میں آج سوا دو سو لوگوں سے ملاقات کی، جس شخص کو انجائنہ کی تکلیف ہو کیا وہ اتنے لوگوں سے ملاقات کر سکتا ہے، واضح رہے کہ مسلم لیگ(ن) کی نائب صدر مریم نواز نے کہا ہے کہ میاں صاحب سے ملاقات کے دوران معلوم ہوا کہ پچھلے چند دن سے ان کی طبیعت خراب ہے اور تین بار انجائنہ کا اٹیک بھی ہوا مگر انھوں نے مجھے تاکید کی کہ ان کے لیے کسی بھی طرح کا ریلیف لینے کے لیے ان کی بیماری کی تشہیر نہ کی جائے،انہوں نے کہاکہ کہا یہ معاملہ اب اللہ اور ان کے درمیان ہے۔ سماجی رابطے کی ویب سائٹ ٹویٹر اپنے بیان میں مریم نواز نے کہاکہ ریکارڈ پر رہے کہ پچھلے دنوں مجھے طبیعت کی خرابی کی خبر کسی ذریعہ سے ملی تھی اور پورا ہفتہ کوشش کے بعد بھی ملاقات کی اجازت نہ ملی۔ہوم ڈپارٹمنٹ کے ایک افسر نے بتایا کہ اجازت نہ دینے کے احکامات اوپر سے یعنی ظالمِ اعظم کی طرف سے جاری ہوئے۔ چھوٹے او کم ظرف انسان سے اور توقع بھی کیا؟۔
