لاہور( این این آئی)ماہ رمضان المبارک کے لیے پنجاب بھر کے سکولوں کے اوقار کار میں تبدیلی کا نوٹیفکیشن جاری کر دیا گیا۔

سیکرٹری سکولزایجوکیشن ڈیپارٹمنٹ مدثر ریاض ملک کی جانب سے جاری کردہ نوٹیفکیشن کے مطابق ماہ رمضان المبارک کے دوران سنگل شفٹ والے سکول پیر سے جمعرات تک صبح ساڑھے 8 بجے لگیں گے اور دوپہر ایک بجے چھٹی ہو گی۔نوٹیفکیشن کے مطابق جمعہ کو سکولوں کے اوقات کار صبح ساڑھے 8 بجے سے دن ساڑھے بجے تک ہوں گے۔سکولزایجوکیشن ڈیپارٹمنٹ کی جانب سے جاری کردہ نوٹیفکیشن میں بتایا گیا ہے کہ ڈبل شفٹ والے سکولوں کی پہلی شفٹ کا آغاز پیر سے جمعرات صبح ساڑھے 8 بجے ہو گا جبکہ دوپہر ساڑھے 12 بجے چھٹی ہو گی۔

ڈبل والے سکولوں میں پیر سے جمعرات دوسری شفٹ دوپہر ایک بجے شروع ہو گی جبکہ 4 بجے چھٹی ہو گی، جمعہ کے روز دوسری شفٹ دوپہر اڑھائی بجے سے شام 5 بجے تک چلے گی۔محکمہ سکولزایجوکیشن کی جانب سے واضح کیا گیا ہے کہ لڑکیوں کے سکولوں میں تعلیمی سرگرمیوں کا آغاز اوپر مقرر کردہ اوقات سے 15 منٹ پہلے ہو گا اور چھٹی بھی 15 پہلے ہی ہو گی۔