لاہور( این این آئی)وفاقی وزیر منصوبہ بندی ،ترقی واصلاحات مخدوم خسرو بختیارنے کہاہے کہ حکومت قومی معیشت کے استحکام کیلئے تمام ممکنہ اقدامات کررہی ہے،براہ راست غیرملکی سرمایہ کاری میں بھی نہایت مثبت رجحان دیکھنے میں آرہاہے جو پاکستان میں سرمایہ کاری کے حوالے سے عالمی برادری کی گہری دلچسپی کاثبوت ہے۔
ایک انٹر ویو میں انہوںنے کہا کہ قرضوں کے حصول کے بعدملک میں کئی ترقیاتی منصوبو ں کے آغاز سے مجموعی ملکی پیداوارمیں اضافہ کیاجاسکتاہے تاہم یہ پائیداراورمناسب پالیسی نہیں ہوگی۔انہوں نے کہاکہ حکومت کی دانشمندانہ معاشی پالیسیوں سے غیرملکی زرمبادلہ کے ذخائربھی بڑھے ہیں اور مالی خسارے میں کمی آئی ہے۔براہ راست غیرملکی سرمایہ کاری میں بھی نہایت مثبت رجحان دیکھنے میں آرہاہے جو پاکستان میں سرمایہ کاری کے حوالے سے عالمی برادری کی گہری دلچسپی کاثبوت ہے۔ایک سوال کے جواب میں انہوں نے کہاکہ حکومت چین پاکستان اقتصادی راہداری کے کسی منصوبے پرسمجھوتہ نہیں کررہی ،حکومت اقتصادی راہداری پرکام جاری رکھے گی اور اس کی رفتارمیں اضافہ کرے گی۔
