اسلام آباد (مانیٹرنگ ڈیسک) میاں نواز شریف اور آصف علی زرداری نے مولانا فضل الرحمان کو ٹرک کی بتی کے پیچھے لگا دیا، جب مولانا فضل الرحمان نے حکومت مخالف تحریک چلانے کو کہا تو ان دونوں رہنماؤں نے انکار کردیا۔ اس بات کا انکشاف معروف صحافی عارف نظامی نے ایک نجی ٹی وی چینل کے پروگرام میں کیا۔ انہوں نے کہا کہ دونوں رہنما حکومت کے خلاف اس وقت فوری کوئی تحریک نہیں چلانا چاہتے، معروف صحافی نے کہا کہ

مولانا فضل الرحمان کو میاں نواز شریف نے کہا کہ ان کی صحت ٹھیک نہیں ہے اور وہ ابھی کیسز میں بھی الجھے ہوئے ہیں، وہ اپنے کیسز سے فارغ ہوں گے تو اس وقت ہی حکومت مخالف تحریک سے متعلق کوئی فیصلہ کریں گے، عارف نظامی نے دوران پروگرام بتایا کہ مولانا فضل الرحمان کو آصف علی زرداری نے کہا کہ ابھی رمضان آ رہا ہے اس کے بعد محرم شروع ہو جائے گا اس لیے کسی تحریک کا فی الحال آغاز ممکن نہیں ہے۔

موضوعات:عارف نظامی