اسلام آباد(آن لائن ) وفاقی وزیر آبی وسائل فیصل واوڈا نے کہا ہے کہ ایک انگریزی اخبار نے سنسنی پھیلانے کے لئے میرے نام سے منسوب ایک ارب نوکریوں کا بیان شائع کیا جبکہ میں نے ایسا کوئی دعویٰ نہیں کیا، انگریزی اخبار نے معافی نہ مانگی تو اس کے خلاف قانونی چارہ جوئی کروں گا ۔جمعرات کے روز ٹویٹر پر جاری پیغام میں فیصل واوڈا نے انگریزی اخبار
کے خلاف قانونی چارہ جوئی کی دھمکی دیتے ہوئے کہا ہے کہ ایک انگریزی اخبار نے مجھ سے متعلق ایک ارب نوکریوں کا سنسنی خیز بیان شائع کیا۔ اخبار مجھ سے متعلق غلط خبر پر معافی مانگے، میں نے ایک ارب نوکریوں کا کوئی دعویٰ نہیں کیا۔ انگریزی اخبار کی جانب سے معافی نہ مانگنے کی صورت میں قانونی چارہ جوئی کروں گا۔
