اسلام آباد(نیوزڈیسک)سمندری حدود میں جاری تیل و گیس کی دریافت سے متعلق بڑی خبر،پاکستان کی قسمت بدل گئی،عالمی ادارے نے زبردست خوشخبری سنادی، تفصیلات کے مطابق عالمی تحقیقاتی ادارے ریسٹیڈ نے دعویٰ کیا ہے کہ پاکستان کی سمندر ی حدودمیں کیکڑا ویل سے توانائی وسائل کے ملنے کے

روشن امکانات ہیں، کیکڑا ویل سے ڈیڑھ ارب بیرل کے برابر خام تیل اور گیس دریافت ہوسکتی ہے۔ عالمی سطح پر تحقیق کرنے والے ادارے ریسٹیڈ انرجی کے اعلامیہ کے مطابق پاکستان کی سمندری حدود میں ای این آئی کمپنی تیل اور گیس کی تلاش کا عمل جاری رکھے ہوئے ہے اور اب اس عمل میں تیزی آگئی ہے اور توقع ہے کہ جلد ہی اس کا باضابطہ اعلان کردیاجائے گا واضح رہے کہ پاکستان میں تیل اورگیس کی دریافت دنیامیں 3 بڑی ممکنہ دریافتوں میں شامل ہے اس کے علاوہ تیل و گیس کی دیگر2 بڑی ممکنہ دریافتیں میکسیکو اور برازیل میں متوقع ہیں۔ دریں اثناء میڈیا رپورٹس میں دعویٰ کیاگیا ہے کہ وزیراعظم عمران خان تیل و گیس کی بڑی دریافت سے متعلق دس سے پندرہ اپریل کے درمیان قوم سے خطاب میں باقاعدہ اعلان کرسکتے ہیں جلد ہی وزارت پٹرولیم فائنل رپورٹ وزیراعظم کو پیش کرے گی ،تیل و گیس کی سمندر میں تلاش کے سلسلے میں پاکستان نیوی نے بھی اہم کردار اداکیا ہے جبکہ حکومت پاکستان نے تیل و گیس کے ذخائر تلاش کرنے والی آف شور کمپنیوں، ان کے کنٹریکٹرز اور سروسز فراہم کرنے والی کمپنیوں کے لئے متعدد مراعات کا اعلان بھی کیا ہے ۔