اسلام آباد (این این آئی)پاکستان پیپلزپارٹی کی رہنما حنا ربانی کھر نے وزیراطلاعات فواد چوہدری کو ہر جانے کا نوٹس بھیجنے کااعلان کر دیا ۔ تفصیلات کے مطابق منگل کو وزیر اطلاعات چوہدری فواد حسین نے بجلی چوری کے حوالے سے بات چیت کرتے ہوئے حنا ربانی کھر پر الزامات عائد کئے جس پر حنا ربانی کھر
نے فواد چوہدری کو ہرجانے کا نوٹس بھیجنے کا اعلان کیا ۔حنا ربانی کھر نے تنبیہ کی کہ فواد چوہدری سوچ سمجھ کر بیان دیا کریں۔انہوں نے کہاکہ الزامات کے ذریعے کردارکشی پی ٹی آئی کا وطیرہ بن چکی ہے۔حناربانی کھر نے کہاکہ اپنی نااہلی چھپانے کیلئے پی ٹی آئی اپوزیشن پر الٹے سیدھے الزامات لگارہی ہے۔
