جمعہ‬‮ ، 23 مئی‬‮‬‮ 2025 

رمضان المبارک میں مرغی کا گوشت دس روپے فی کلو اور انڈے پانچ روپے فی درجن رعایتی قیمت پر فروخت کیے جائیں گے،معاہدہ طے پاگیا

datetime 8  اپریل‬‮  2019
ہمارا واٹس ایپ چینل جوائن کریں

لاہور (آن لائن)حکومت پنجاب اور پاکستان پولٹری ایسوسی ایشن کے مابین رمضان بازاروں میں مرغی کا گوشت اور انڈے سرکاری نرخوں سے کم قیمت پر فروخت کرنے کے حوالے سے معاملات طے پا گئے۔ مرغی کا گوشت دس روپے فی کلو اور انڈے پانچ روپے فی درجن رعایتی قیمت پر فروخت کیے جائیں گے۔ پولٹری ایسوسی ایشن کے اقدام کے بعد حکومتی سبسڈی کی ضرورت نہیں رہے گی۔

ان خیالات کا اظہار صوبائی وزیر صنعت و تجارت میاں اسلم اقبال اور صوبائی وزیر لائیو سٹاک حسنین بہادر دریشک نے پاکستان پولٹری ایسوسی ایشن کے عہدیداران سے ایک اعلیٰ سطحی ملاقات میں کیا۔ لائیو سٹاک سیکریٹریٹ کے کمیٹی روم میں منعقدہ اس اجلاس میں آئندہ رمضان المبارک میں عوام کو سستے گوشت اور انڈوں کی فراہمی کے حوالے سے معاملات کا جائزہ لیا گیا۔ اجلاس میں سیکرٹری لائیو سٹاک احسن وحید، ایڈیشنل ڈائریکٹر و ڈائریکٹر کمیونیکیشن لائیو سٹاک اور ڈی جی انڈسٹریز نے بھی شرکت کی۔ اس موقع پر وزیر صنعت پنجاب میاں اسلم اقبال نے کہا کہ پولٹری ایسوسی ایشن کے عوامی خدمت کے جذبے کو سراہتے ہیں۔ انہوں نے مزید کہا کہ گزشتہ سال پنجاب میں 309 رمضان بازار لگا? گئے تھے اور امسال گزشتہ رمضان المبارک کے مقابلے میں زیادہ رمضان بازار لگائے جائیں گے۔میاں اسلم اقبال نے برآمدات کے حوالے سے حکومتی سنجیدگی پر اپنے موقف کا اظہار کرتے ہوئے کہا کہ ملکی برآمدات بڑھانا پی ٹی آئی حکومت کی پالیسی ہے۔ آپ پولٹری کی برآمدات بڑھائیں، حکومت بھرپور تعاون کرے گی۔ انہوں نے کہا کہ ملک باتوں سے نہیں، قومی معیشت کی مضبوطی سے چلتا ہے۔ اجلاس کے شرکاء4 سے خطاب کرتے ہوئے صوبائی وزیرِ لائیو سٹاک سردار حسنین بہادر دریشک نے کہا کہ حکومت مقامی پولٹری کی صنعت کی برآمدات میں اضافے کی خواہاں ہے تا کہ پاکستان قیمتی زرمبادلہ کما سکے۔ اس کے ساتھ ساتھ مقامی لوگوں کی ضروریات کا بھی خیال رکھا جائے گا۔ انہوں نے پاکستان پولٹری ایسوسی ایشن کے عہدیداران کو یقین دہانی کراتے ہو? کہا کہ پولٹری انڈسٹری کے مسائل ترجیحی بنیادوں پر حل کریں گے۔ انہوں نے مزید کہا کہ پی ٹی آئی حکومت کی کاوشوں سے قومی معیشت بحران سے نکل کر مضبوطی کی طرف بڑھ رہی ہے۔

موضوعات:

آج کی سب سے زیادہ پڑھی جانے والی خبریں


کالم



نیوٹن


’’میں جاننا چاہتا تھا‘ میں اصل میں کون ہوں‘…

غزوہ ہند

بھارت نریندر مودی کے تکبر کی بہت سزا بھگت رہا…

10مئی2025ء

فرانس کا رافیل طیارہ ساڑھے چار جنریشن فائیٹر…

7مئی 2025ء

پہلگام واقعے کے بارے میں دو مفروضے ہیں‘ ایک پاکستان…

27ستمبر 2025ء

پاکستان نے 10 مئی 2025ء کو عسکری تاریخ میں نیا ریکارڈ…

وہ بارہ روپے

ہم وہاں تین لوگ تھے‘ ہم میں سے ایک سینئر بیورو…

محترم چور صاحب عیش کرو

آج سے دو ماہ قبل تین مارچ کوہمارے سکول میں چوری…

شاید شرم آ جائے

ڈاکٹرکارو شیما (Kaoru Shima) کا تعلق ہیرو شیما سے تھا‘…

22 اپریل 2025ء

پہلگام مقبوضہ کشمیر کے ضلع اننت ناگ کا چھوٹا…

27فروری 2019ء

یہ 14 فروری 2019ء کی بات ہے‘ مقبوضہ کشمیر کے ضلع…

قوم کو وژن چاہیے

بادشاہ کے پاس صرف تین اثاثے بچے تھے‘ چار حصوں…