راجن پور (این این آئی)راجن پور کے علاقے کچہ کراچی میں اشتہاری ڈاکوؤں کے خلاف فوج، رینجرز اور پولیس کا آپریشن دوسرے روز بھی جاری رہا۔آپریشن لٹھانی گینگ کے سرغنہ بابا لونگ اور اس کے 40 سے زاہد اشتہاری ڈاکوؤں کے خلاف ایک روزقبل شروع کیاگیا ۔راجن پور کے علاقے کچہ کراچی میں اشتہاری ڈاکوؤں
کے خلاف جاری آپریشن میں سیکیورٹی فورسز نے ڈاکوؤں کے ٹھکانوں کو گھیرے میں لے لیا ، دوسرے روز دونوں طرف سے وقفے وقفے سے فائرنگ کا تبادلہ جاری رہا۔اشتہاری ڈاکوؤں کی فائرنگ سے 3 پولیس وینز کو نقصان پہنچا ۔پولیس کے مطابق ضلع کے تمام اسپتالوں میں ایمرجنسی نافذ کردی گئی ہے ۔
