سکھر (این این آئی)جمعیت علمائے اسلام کے امیر مولانا فضل الرحمان واضح کیا ہے کہ حکومت گرانے میدان میں نکل چکے ہیں اور حکومت کو جو کرنا ہے کرلے۔ میڈیا سے گفتگو میں سربراہ جے یو آئی (ف) مولانا فضل الرحمان نے کہا کہ حکومت کے خلاف آصف زرداری ہم سے کئی گنا زیادہ پیچھے ہیں۔انہوں نے کہا کہ پشاور اور پنجاب میں کچھ ملین مارچ باقی ہیں پھر اسلام آباد جائیں گے، اس حکومت کو مزید ٹائم دینا اسے تسلیم کرنے کے برابر ہے، ہم حکومت گرانے میدان میں نکل چکے ہیں
لہٰذا حکومت کو جو کرنا ہے کرلے۔انہوںنے کہاکہ ملکی تاریخ کا بڑا قرضہ اس دور حکومت میں لیا جارہا ہے ۔ انہوںنے کہاکہ نیب ایک انتقامی ادارہ ہے۔ جب ایک صحافی نے سوال کیا کہ فواد چوہدری نے کہا ہے کہ فضل الرحمان اور خورشید شاہ جیل جائیں گے تو مولانا فضل الرحمان نے جواب میں کہا کہ کسی بندے دے پتر کا حوالہ تو دیا کریں۔انہوںنے کہاکہ پی ٹی آئی میں قیادت سے لے کر کارکن تک گالی اور گالی ہے، اگر اگلے الیکشن میں پی ٹی آئی اور ایم کیو ایم مل کر الیکشن لڑیں گے تو گالی اور گولی کا اتحاد ہوجائے گا۔
