کراچی(این این آئی)نیب کا قیدی ہفتہ کی صبح کراچی کے سول اسپتال میں انتقال کرگیا۔ نیب ذرائع کے مطابق محمد ناصر 4 دن سے اسپتال میں وینٹی لیٹر پر تھا۔جیل ذرائع کے مطابق قیدی محمد ناصر سینٹرل جیل میں 2015 سے عدالتی ریمانڈ پر قید تھا۔ محمد ناصر کے خلاف نیب کورٹ نمبر 2 میں تین ریفرنس

زیر سماعت تھے۔جیل ذرائع نے بتایاکہ قیدی محمد ناصر کو 28مارچ کو سول اسپتال کی ایمرجنسی میں شفٹ کیا گیا تھا اور اسے لیور انفیکشن تھا۔دوسری جانب نیب ذرائع کے مطابق جاں بحق شخص کے ڈی اے کا ایڈیشنل ڈائریکٹر شفٹنگ آف لینڈ تھا اور اسے زمینوں میں خرد برد کے الزام میں گرفتار کیا گیا تھا۔