ریاض(مانیٹرنگ ڈیسک ) سعودی عرب کی جیل میں قید دو بچوں کو رہا کروا کر پاکستان ان کے آبائی شہر ملتان بجھو ا دیا گیا ۔ تفصیلات کے مطابق پاکستانی قونصل خان کے جنرل ویلفیئر ونگ نے کوشش نے سعودی عرب کی جیل میں بند دو بچوں 9سالہ محمد ایان ولد محمد شبیر اور

6سالہ عبدالمنان والد محمد شبیر کو رہائی دلوا کر انہیں پاکستان میں ان کے آبائی شہر ملتان پہنچا دیا گیا ہے ۔جدہ میں کمیونٹی ویلفیئر اتاشی نجیب اللہ خان دُرانی نے بتایا کہ وزیر اعظم عمران خان کے خصوصی معاون برائے سمندر پار پاکستانی ذوالفقار بخاری نے اُن سعودی عرب میں قید پاکستانی خواتین اور بچوں کی خبروں پر نوٹس لیا تھا ۔ جبکہ اس حوالے سے سوشل میڈیا پر جیل میں قید پاکستانی خواتین اور بچوں کے کچھ ویڈیو کلپس وائرل ہوئے تھے جس کے بعد زلفی بخاری نے اس معاملے پر سعودی حکام سے رابطہ کرنے کا کہا تھا ۔ پاکستانی عہدیداروں اور سعودی حکام کے درمیان ہونیوالی ملاقاتوں کے نتیجے میں محمد ایان ، عبدالمنان اور بشری پروین کی رہائی عمل میں لائی گئی ۔ یہ بچے سعودی عرب میں سوشل پروٹیکشن ہومز میں رکھے گئے تھے ۔ یہ تینوں بچے 2016ء سے بند تھے کیونکہ ان کے والدین کو سعودی عرب میں ہیروئن کی اسمگلنگ کے جُرم میں سزا دی گئی تھی ۔ دو بچوں 9سالہ محمد ایان ولد محمد شبیر اور 6سالہ عبدالمنان والد محمد شبیر کو رہائی دلوا کر انہیں پاکستان میں ان کے آبائی شہر ملتان پہنچا دیا گیا ہےجبکہ بشری پروین کو چند روز قبل ہی اُس کی خالہ فاطمہ اعجاز کے ساتھ پاکستان بھجوا دیا گیاتھا۔