پشاور(آن لائن)غیر رجسٹرڈ اور افغان سٹیزن کارڈ نہ رکھنے والے افغان مہاجرین کے خلاف سیکورٹی صورتحال کے پیش نظر پشاور میں کریک ڈاؤن کو حتمی شکل دیا گیا ہے ۔ افغان سٹیزن کارڈ کی فراہمی بھی شروع کی جا چکی ہے ۔ جبکہ اس سے قبل رجسٹرڈ افغان مہاجرین کی تعداد پاکستان میں دو لاکھ سے زائد ہیں تاہم افغان سٹیزن کارڈ کی رجسٹریشن نہ کرنے والے اور غیررجسٹرڈ افغان مہاجرین کے خلاف صوبائی حکومت نے قانونی کاروائی کافیصلہ کیا ہے غیر قانونی طور پر مقیم افغان مہاجرین کے خلاف فوری طور پر کریک ڈاؤن شروع کرنے کی ہدایات کی گئی ہیں
ذرائع کے مطابق کریک ڈاؤن میں ان کے مقدمات کو فوری طور پر عدالتوں میں ارسا ل کرنے کی ہدایات کی گئی ہیں ۔ ذرائع نے بتایا ہے کہ ایسے افغان مہاجرین جو کہ قانونی طور پر پشاور میں رہائش پذیر ہیں کو تنگ نہ کرنے کی ہدایات بھی کی گئی ہے ۔ امن و امان کی صورتحال کے پیش نظر غیر قانونی طور پر رہائش پذیر افغان مہاجرین کے خلاف کریک ڈاؤن ممکنہ طور پر آج سے شروع ہو جائیگا ۔ کریک ڈاؤن کے لئے کیپٹل سٹی پولیس کوہدایات جاری کی گئی ہیں تاہم ہدایت میں واضح کیاہے کہ قانونی طورپر رہائش پذیرافغان مہاجرین کے خلاف کاروائی نہ کی جائے۔
