لاہور ( این این آئی) لاہور ہائیکورٹ ذنے بچوں سے زیادتی کے مقدمات کا تین ماہ میں فیصلہ کرنے کی درخواست ناقابل سماعت قرار دیتے ہوئے مسترد کر دی ۔ ہائیکورٹ کے مسٹر جسٹس آصم حفیظ نے قصور میں زیادتی کے بعد قتل ہونیوالی بچی زینب کے والد امین انصاری کی درخواست پر سماعت کی ۔درخواست میں موقف اپنایا گیا کہ روزانہ بارہ سے زائد بچوں سے

زیادتی کے واقعات پیش آ رہے ہیں، پنجاب بھر میں بچوں سے زیادتی کے مقدمات کا ریکارڈ منگوایا جائے، عدالت حکم دے کہ چودہ دن میں ایسے مقدمات کا چالان عدالتوں میں پیش کیا جائے، عدالت بچوں کے تحفظ کے لیے خصوصی قانون سازی اور اقدامات کا حکم دے۔عدالت نے محفوظ فیصلہ سناتے ہوئے درخواست ناقابل سماعت قرار دیکر مسترد کر ی۔

موضوعات:لاہور ہائیکورٹ