اسلام آباد(آن لائن)یوٹیلیٹی سٹور کارپوریشن نے رمضان المبارک کی آمد سے پہلے ہی دالوں کی قیمتوں میں پہلے ہی 25 روپے اور چاولوں کی قیمتوں میں 50 تک اضافہ کر دیا ہے ۔مختلف برانڈز کی قیمتوں میں 11 سے 50 روپے تک کا اضافہ کیا گیا ہے ۔جس کا نوٹیفیکیشن جاری کر دیا گیا ہے۔ تفصیلات کے مطابق یوٹیلیٹی سٹور کارپوریشن نے رمضان المبارک کی آمد سے قبل ہی عوام پر اشیاء خوردو نوش میں اضافہ

کر کے بم گرا دیا ہے جس میں دال کی قیمتوں میں فی کلو 25 روپے تک اضافہ کیا گیا ہے اور دال چنا و مسور بھی فی کلو 10 روپے مہنگی کی گئی ہے ۔اس کے علاوہ چاول کی قیمت میں فی کلو 50 روپے تک اضافہ کیا گیا ہے جبکہ مختلف برانڈز کے چاول کی قیمتوں میں 11 روپے سے 50 روپے تک فی کلو اضافہ کیا ہے ۔ یوٹیلٹی کارپوریشن نے اضافے کا نوٹیفیکیشن جاری کر دیا ہے جس کا فوری طور پر اطلاق ہو گا ۔

موضوعات:یوٹیلی سٹور کارپوریشن