اسلام آباد (این این آئی)بینظیر انکم پروگرام کا نام بدلنے کے معاملے پر پیپلز پارٹی نے حکومت کو ٹف ٹائم دینے کا فیصلہ کر لیا۔ذرائع کے مطابق بے نظیر انکم سپورٹ پروگرام کا نام تبدیل کرنا حکومت کے لیے ایک مشکل امتحان ثابت ہو گا کیونکہ بے نظیر انکم سپورٹ پروگرام ایکٹ آف پارلیمنٹ کے تحت منظور کیا گیا، نام تبدیل کرنے کے لیے قانون میں ترمیم کرنا پڑے گی، قومی اسمبلی سے حکومت سادہ اکثریت سے قانون میں ترمیم کرا سکتی ہے،
سینٹ میں حکومت کی اکثریت نہیں، وہاں منظوری میں دشواری ہو گی۔ حکومت عارضی طور پر آرڈیننس کے ذریعے نام بدل سکتی ہے اس کو بھی 120 روز کے بعد قومی اسمبلی میں لانا ہو گا۔دوسری جانب ذرائع کے مطابق بینظیر انکم پروگرام کا نام بدلنے کے معاملے پر پیپلز پارٹی نے حکومت کو ٹف ٹائم دینے کا فیصلہ کر لیا۔ ذرائع پیپلز پارٹی نے بتایا کہ بے نظیر انکم سپورٹ پروگرام میں نام کی تبدیلی پر کوئی کمپرومائز نہیں کیا جائیگا ۔
