لاہور (این این آئی)وزیراعلیٰ پنجاب سردار عثمان بزدار نے اپنے ترجمان ڈاکٹر شہباز گل کو سرکاری محکموں میں اصلاحات کے ذریعے گڈ گورننس اور پبلک سروس ڈلیوری میں بہتری کیلئے اٹھائے گئے اقدامات کا جائزہ لینے کیلئے اچانک دوروں کا ٹاسک سونپ دیا۔ وزیر اعلیٰ سردار عثمان بزدار کی منظوری کے بعد صوبہ بھر کے تمام سرکاری اداروں کے سربراہان کو مراسلے کے ذریعے آگاہ کیا گیا ہے کہ پنجاب حکومت کی جانب سے وزیر اعظم عمران خان کے وڑن کے مطابق سرکاری محکموں
میں اصلاحات کے ذریعے گڈ گورننس اور پبلک سروس ڈلیوری کیلئے متعدد اقدامات اٹھائے گئے ہیں۔ اصلاحات کے لئے اٹھائے گئے اقدامات پر عملدرآمد اور نتائج کا جائزہ لینے اور خصوصاً پبلک سروس ڈلیوری میں بہتری کے لئے وزیر اعلیٰ پنجاب سردار عثمان بزدار نے اپنے ترجمان ڈاکٹرشہباز گل کو صوبے کے تمام سرکاری میں اچانک دورے کرنے کا اختیار دیا ہے۔مراسلے میں تمام اداروں کے سربراہان کو وزیر اعلیٰ کے احکامات پر عملدرآمد کے احکامات بھی دئیے گئے۔
