لاہور( این این آئی)وفاقی سیکرٹری تجارت کیلئے چار نام زیر غور ہیں،وزیر اعظم کے مشیر برائے تجارت عبد الرزاق داؤد کی سفارش پر نیا سیکرٹری تجارت مقرر کیا جائے گا۔ نجی ٹی وی نے ذرائع کے حوالے سے کہا ہے کہ سیکرٹری تجارت کیلئے پاکستان ایڈ منسٹریٹو سروس کے چار افسران رابعہ جوہری، عامر اشرف ،
احمد نواز اور اسد حیاء الدین کے نام زیر غور ہیں ۔ مشیر تجارت عبد الرزاق داؤد نے سیکرٹری تجارت کیلئے ایک انٹر ویو بھی کیا ہے ۔ ذرائع کے مطابق مشیر تجارت کی سفارش پر نیا سیکرٹری تجارت مقرر کیا جائے گا۔ یونس ڈھاگہ کو سیکرٹری خزانہ تعینات کرنے سے سیکرٹری تجارت کا عہدہ خالی ہوا تھا ۔
