لنڈی کوتل(این این آئی) ڈپٹی کمشنر خیبر محمود اسلم وزیرنے کہا ہے کہ پاک افغان بارڈر سے داخل اور واپس جانیوالے تمام افراد کو پولیو کے قطرے ضرورپلائیں گے ، ،عمر کی کوئی شرط نہیں ،بچوں ،بوڑھوں جوانوں اور خواتین کوقطرے پلانے سے وائرس کا خاتمہ ہو سکتا ہے ۔
تفصیلات کے مطابق ضلع خیبر طورخم بارڈر پر انسداد پولیو مہم کا کا باقا عدہ افتتاح کر دیا گیا ۔افغانستان انے جانے والے مسافروں کو پولیو قطرے پلا گئے اس حوالے سے ایک تقریب بھی منعقد ہوئی جس میں یونیسیف کے ڈاکٹر جوہر خان ڈپٹی کمشنر ضلع خیبر محمود اسلم وزیر، ڈسٹرک سرجن ڈاکٹر ایوب افریدی ، ایمرجنسی اپریشن سنٹر کوآرڈی نیٹر عقیل یوسفزئی ،ملک ماصل خان شینواری ،ملک خلیفہ شلمانی ملکزادہ جمیل افریدی ودیگر مشران بھی موجود تھے ۔ تقریب سے خطاب کرتے ہوئے ڈپٹی کمشنر خیبر محمود اسلم وزیر ،یونیسف کے ڈاکٹر جوہر خان ،ڈسٹرک سرجن ایوب افریدی اور دیگر مقررین نے کہا کہ طورخم بارڈر پر افغانستان سے آنے جانے والے مسافروں کو پولیو کے قطرے پلا دی جائے گی اور افغانستان سے روزانہ کے بنیاد پر داخل اور واپس جانیوالے دس ہزار مسافروں کو قطرے پلائے جائیں گے جس کے لئے طورخم بارڈر پر خصوصی انتظامات کئے گئے جس کا باقاعدہ افتتاح ہوگیا ہے طورخم بارڈر پر انسداد پولیو مہم کے لئے پولیو کے خصوصی ٹیمیں تشکیل دی گئی ہیں یونیسف کے ڈاکٹر جوہر نے کہا کہ پورے پاکستان میں ایسی سال 6پولیوں کیسیز کی تصدیق ہوگئی ہیں جس میں ضلع خیبر لنڈیکوتل بازار ذخہ خیل ضلع باجوڑ کراچی اور دیگر شہر شامل ہیں انہوں نے بارڈر پر موجود مشران اور اہلکاروں سے کہا کہ طورخم بارڈر پر انسداد پولیو مہم کے دوران محکمہ صحت حکام کے ساتھ تعاون کریں تاکہ ملک سے اس موضی مرض کا خاتمہ ہوسکے ۔
