لاہور( این این آئی ) مسلم لیگ (ن) کے قائد و سابق وزیراعظم نواز شریف کے جیل میں علاج کا معاملے پر حکومت کی جانب سے ملنے والا خط کا جواب تیارکر لیا گیا۔نجی ٹی وی کے مطابق سابق وزیر اعظم نواز شریف نے خط کے جواب میں لکھا ہے کہ علاج کے نام پر تضحیک کا نشانہ نہیں بن سکتا، ہسپتالوں میں لے جاکر اس طرح گھمایا جاتا رہا جس طرح خانہ بدوش ہوں۔ انہوں نے کہا عدالتوں پر پورا اعتماد ہے اگر عدالتوں سے ریلیف ملا تو اپنا علاج خود کرائیں گے۔خاندانی ذرائع کا کہنا ہے کہ جواب 2 سے 3 روز میں حکومت کو بھجوا دیا جائے گا۔