لاہور (این این آئی ) فیڈرل بورڈ آ ف ریونیو نے کارروائی کرتے ہوئے بیش قیمت گاڑیاں اور ڈی ایچ اے میں پراپرٹی خریدنے والے ساڑھے 4سو سرکاری ملازمین پر ٹیکس عائد کر دیا ۔ذرائع کے مطابق ایف بی آر نے مہنگی گاڑیاں ، ڈیفنس میں پراپرٹی خریدنے والے 450 سرکاری ملازمین کو ٹیکس ادائیگی کے نوٹسز جاری کر دئیے ۔پنجاب یونیورسٹی ، محکمہ آبپاشی ، پی ٹی سی ایل ، محکمہ صحت ، ایجوکیشن ، واپڈا کے

ملازمین شامل ہیں ۔ تمام سرکاری ملازمین نے سال 2017 میں گاڑیاں اور پراپرٹی ایف بی آر کو ظاہر نہیں کی ۔ سرکاری ملازمین نے گاڑیاں اور پراپرٹی ایف بی آر سیچھپارکھی تھی۔ایف بی آر نے تمام سرکاری ملازمین سے گاڑیوں ، پراپرٹیز کی تفصیلات طلب کی تھی۔سرکاری ملازمین کی جانب سے جواب جمع نہ کرانے پر ٹیکس عائد کیا گیا ۔سرکاری ملازمین کو ٹیکس ادائیگی کیلیے 15 روز کی مہلت دے دی گئی۔