لاہور(این این آئی) سعودی عرب نے پنجاب کے دو اہم اثاثوں کی منہ مانگی قیمت دینے پر تیار،بغیر بولی کے خریدنے کی پیشکش کردی،سعودی عرب نے پنجاب کے دو پاور پلانٹس بغیر بولی کے خریدنے کی پیشکش کردی ہے۔میڈیا رپورٹ کے مطابق سعودی عرب نے حکومت پنجاب کے دو پاور پلانٹس خریدنے کی خواہش کا اظہار کیا ہے، بھکی اور
حویلی بہادر شاہ پاور پلانٹس کی منہ مانگی قیمت بھی پوچھ لی ۔ذرائع کے مطابق حکومت پاکستان سعودی حکومت کی پیشکش پر فیصلہ کرنے سے قاصر ہے، کیونکہ سعودی حکومت نے دونوں پاور پلانٹس کی خریداری کیلئے بولی میں جانے سے انکار کیا ہے اور بولی کے بغیر پلانٹس بیچنے کیلئے پیپرا قواعد و ضوابط سے استثنیٰ دینا ہو گا۔
