اسلام آباد (نیوز ڈیسک) علیم خان عمران خان پر بوجھ بن گئے تھے، گرفتاری کے پیچھے چوہدری پرویز الٰہی کا ہاتھ ہے، ان باتوں کا انکشاف ن لیگ کے رہنما جاوید لطیف نے ایک نجی ٹی وی چینل سے گفتگو کرتے ہوئے کیا، انہوں نے کہا کہ علیم خان پرویز الٰہی کی راہ میں رکاوٹ تھے، انہوں نے کہا کہ علیم خان کی گرفتاری اخلاقی، سیاسی، انتظامی اور انتقامی بنیادوں پر ہوئی، جاوید لطیف نے کہا کہ عمران خان کے دورہ لاہور
کے موقع پر پرویز الٰہی و ہمنواؤں کی طرف سے شکایت کی گئی کہ علیم خان سے چھٹکارا حاصل کرنا پڑے گا ورنہ ق لیگ سے انتظامی حوالے سے کوئی پوچھ گچھ نہ رکھی جائے۔ انہوں نے کہا کہ علیم خان پرویز الٰہی کی راہ میں رکاوٹ تھے اور خود عمران خان کے لیے بھی بوجھ تھے، لیگی رہنما جاوید لطیف نے کہا کہ یہ یہ اے ٹی ایم مشین اب خالی ہو چکی تھی اس وجہ سے انہیں راستے سے ہٹا دیا گیا۔
