سیالکوٹ(سی پی پی) اخلاص پور میں بیوپاری نے 4 لاکھ 20 ہزار روپے کی رقم غلطی سے ٹوکے سے کتر ڈالی تفصیلات کے مطابق شکرگڑھ کے علاقے اخلاص پور میں ایک بیوپاری چوری، ڈکیتی اور فراڈ کے بغیر ہی 4 لاکھ 20 ہزار روپے سے ہاتھ دھو بیٹھا، بیوپاری نے خطیر رقم چارہ کاٹنے والی مشین میں کتر ڈالی۔اخلاص پور کا بیوپاری طارق مویشیوں کے لئے 4 لاکھ 20 ہزار

روپے کی رقم گھر لے کرآیا اور رقم سے بھرا تھیلہ مویشیوں کے چارے کے قریب رکھ کر چارہ مشین پرکام کرنے لگا، طارق نے بے دھیانی میں چارے کے ساتھ پیسوں والا تھیلہ بھی چارہ مشین میں ڈال کر 4 لاکھ 20 ہزار کی رقم کتر ڈالی۔طارق کا کہنا ہے کہ میں غریب آدمی ہوں، غلطی سے نقصان کر بیٹھا ہوں، گورنر اسٹیٹ بینک سے گزارش ہے وہ میری مدد کریں۔