کوئٹہ(این این آئی) صوبائی دارالحکومت کوئٹہ کے نجی شاپنگ سینٹر کے مالک حاجی عبیداللہ اچکزئی نے ڈیم کی تعمیر کے لئے چیف جسٹس آف پاکستان جسٹس میاں ثاقب نثار کوڈیم فنڈ میں 50لاکھ روپے کا عطیہ دیا ،انہوں نے کہا کہ ڈیم کی تعمیر ملک کی اہم ضرورت ہے جس کے لئے مزید فنڈ دینے کی کوشش کروں گا ، میری خواہش ہے کہ میں اپنا تمام کاروبار
فروخت کرکے ڈیم کی تعمیر پرخرچ کروں ،انہوں نے بلوچستان کے عوام سے اپیل کرتے ہوئے کہ وہ ڈیم کی تعمیر کے لئے چیف جسٹس آف پاکستان اورحکومت پاکستان کے ساتھ بھرپورتعاون کریں اور ڈیم فنڈ میں زیادہ سے زیادہ چندہ جمع کریں۔دریں اثناء سینئر وکیل راجہ رب نواز ایڈووکیٹ نے بھی چیف جسٹس کو 2لاکھ روپے ڈیم فنڈز کیلئے دیئے۔
