لاہور (آن لائن) چیف جسٹس پاکستان نے تحریک انصاف کے ایم پی اے ندیم عباس بارکا نام ای سی ایل سے نکالنے کا حکم دیتے ہوئے درخواست نمٹادی اور باور کرایا کہ عمرے کی ادائیگی کیلئے جاؤ لیکن لوگوں کی اراضی اب قبضے نہ کرنا ۔چیف جسٹس پاکستان کی سربراہی میں دو رکنی بنچ نے ندیم بارا کی درخواست پر سماعت کی جس
میں بتایا گیا کہ فائرنگ کے الزام میں سپریم کورٹ نے نے درخواست گزار کا نام ای سی ایل میں ڈالنے کا حکم دیا تھا۔ وکیل نے بتایا کہ ندیم بارا نے عمرے کی ادائیگی کے لیے جانا ہے لیکن نام ای سی سیل میں ہونے کی وجہ سے بیرون ملک سفر نہیں کرسکتا۔ درخواست میں استدعا کی گئی کہ ای سی ایل سے نکالنے کا حکم دیا جائے۔
