لاہور( نیوز ڈیسک)آشیانہ ہائوسنگ سکینڈل میں جوڈیشل ریمانڈ پر کوٹ لکھپت جیل میں قیدسابق وزیر اعلیٰ شہباز شریف سے ملاقات کیلئے جمعرات کا دن مقررکر دیا گیا ۔ نیب کے دوسرے قیدیوںسے ملاقات کیلئے جمعہ کا دن مقرر ہے تاہم شہباز شریف کے لئے جمعرات کا دن مقرر کیا گیا ہے۔ جیل انتظامیہ کے مطابق شہباز شریف کے اہل
خانہ ، وکلاء اور قریبی رشتہ دار مقرر کئے گئے دن ملاقات کیلئے درخواست دے کر ان سے مل سکیں گے ۔ پارٹی رہنما اور دوست احباب شہباز شریف کی مرضی سے ان سے ملاقات کر سکیں گے۔واضح رہے کہ اڈیالہ جیل میں قید کے دوران نواز شریف کیلئے بھی ملاقات کیلئے جمعرات کا ہی دن مقرر کیا گیا تھا۔
