ٹوبہ ٹیک سنگھ (نیوز ڈیسک) تحریک انصاف کی حکومت آنے سے قبل ہی اعلان کیا گیا تھا کہ اگر ہم حکومت میں آئے تو پروٹوکول میں کمی کریں گے اور ٹیکسوں کی مد میں دیے گئے عوام کے پیسوں کی حفاظت بھی کریں گے، وزیراعظم عمران خان نے بھی حکومت میں آنے کے بعد کفایت شعاری مہم کا اعلان کیا لیکن حکومتی نمائندے ان کی کفایت شعاری مہم کی دھجیاں اڑانے میں لگے ہوئے ہیں،
گورنر پنجاب چوہدری سرور کی اہلیہ نے گزشتہ روز ٹوبہ ٹیک سنگھ کا دورہ کیا ان کے ساتھ پروٹوکول دیکھنے کے قابل تھا، گورنر پنجاب کی اہلیہ جب ٹوبہ ٹیک سنگھ پہنچیں تو ان کی سکیورٹی پر پولیس اہلکاروں کی ایک بڑی تعداد کو مامور کیا گیا، ان کے دورے کے موقع پر خصوصی روٹ لگایا گیا اور ان کے پروٹوکول میں پانچ سے زیادہ گاڑیاں شامل تھیں، جو تبدیلی کے نعرے کو ہوا میں اڑا گئیں۔
